مقياس الأعراض النفسية الحركية
مقياس ( ص . ن . ح)
إعداد
د . سامى عبد القوى على
مدرس علم النفس
جامعة عين شمس
(1994)
ـــــــــــــــــــــــ
– الإسم : – الجنس : ذكر ( ) – أنثى ) )
– السن : – المستوى التعليمى :
– تعليمات تطبيق المقياس :
سنعرض عليك قائمة بمجموعة من الأعراض، وأمام كل عرض عدة اختيارات ( غالبا ، أحيانا ، نادرا ، أبدا ) ، ومطلوب منك اختيار إجابة واحدة فقط ، تعبر عن مدى شدة وجود العرض عندك . إقرأ السؤال جيدا ، وأجب عن كل الأسئلة.

1 هل لاحظت إن تركيزك في الأيام اللى فاتت قل عن الطبيعى ؟.
2 هل مرات تلاقى نفسك خايف وقلبك مقبوض بدون سبب، وحاسس كأن فيه مصيبة حتحصل ؟
3 هل بتحس بزغللة في عينيك، أو كأن الدنيا ضباب قدامك، وتبقى مش شايف كويس ؟
4 هل قلبك فجأة كدة يرفرف عليك ويدق جامد ؟

5 هل مرات تشم ريحة غريبة بدون سبب، يعنى مثلا تشم ريحة شياط أو بخور أو بلاستيك محروق من غير ما يكون فيه سبب للريحة دى ؟

6 هل مرات تعمل حاجات ويقولولك إنك عملتها وتبقى مش فاكر إنك عملت الحاجات دى ؟
7 هل تلاقى نفسك بتسرح كتير، ومش عارف إنت سرحان في إيه ؟
8 هل مرات تحس إنك مكتئب أو متضايق وزهقان بدون ما يكون فيه سبب ؟
9 هل بيجيلك صداع شديد ، وكأن دماغك ح تنفجر ؟

10 هل مرات تلاقى نفسك جعان قوى، وتاكل كتير وتحس إنك مش شبعان ؟
11 هل مرات تحس إن الدنيا حواليك زى ما تكون أتغيرت وبقت غريبة شوية عليك ؟
12 هل مرات تحس وإنت صاحي إن الحاجات اللى بتحصل حواليك كأنها حلم مش حقيقة ؟
13 هل مرات وإنت بتتكلم في موضوع لأول مرة تحس إن الكلام ده زى ما يكون حصل قبل كده ؟
14 هل مرات تحس إنك عايز تعيط أو تصرخ بصوت عالى غصب عنك وبدون سبب ؟
15 هل مرات تحس برجفة في جسمك زى ما تكون أتكهربت فجأة ؟
16 هل بطنك بتمغص عليك، أو تحس بكلبشة في فم المعدة ؟
17 هل مرات تسمع صوت في ودانك زى الزنة، أو زى صوت الجرس من غير سبب ؟
18 هل مرات يقولولك إنك بتتصرف تصرفات غريبة، وإنت مش واخد بالك إنك عملت التصرفات دى ؟
19 هل بتلاقى صعوبة إنك تفتكر الحاجات العادية، يعنى تحس إن ذاكرتك ضعفت وبقيت تنسى ؟
20 هل بتحس إنك قلقان وعصبى زيادة عن اللازم من غير سبب ؟
21 هل بتحس بتنميل أو شكشكة في أي حتة من جسمك أو حتى جسمك كله ؟
22 هل مرات تحس بضيق في التنفس، وتبقى مش قادر تاخد نفسك، أو إن نفسك مخنوق ؟
23 هل مرات تحس أن فيك حاجة غريبة، أو إنك أتغيرت، أو تحس إن أنت مش أنت ؟
24 هل مرات يغمى عليك، وتفوق من غير ما تعرف أيه اللى حصل ؟
25 هل مرات تحس إن الأماكن اللى تعرفها كويس كأنها غريبة عليك، أو كإنك بتشوفها لأول مرة
26 هل بتلاقى نفسك فجأة مبسوط وبتضحك وماتقدرش تمسك نفسك من الضحك ؟
27 هل مرات تحس بتنميل أو تقل في لسانك، وتحس إن كلامك إتلخبط شوية ؟
28 هل مرات تحس بالدوخة، أو زى ما تكون الدنيا بتلف بيك ؟
29 هل مرات تلاقى الحاجات بتكبر أو بتصغر قدامك، أو كأنها بتبعد عنك ؟
30 هل مرات تحس فجأة إن فيه أفكار غريبة مالهاش معنى تيجى على بالك ، وتبقى مش قادر تتحكم فيها
المجموع =
الدرجة =
الدرجة الكلية =
[align=justify][/align]

كاتب المقال :
أعراب حياة
الزيارات:
6766
مشاركه المقال :

لن يتم نشر عنوان بريدك الإلكتروني. الحقول الإلزامية مشار إليها بـ *

*


التعليقات

وحيد وحيد
منذ 5 سنوات
#1

الله يعطيك العافية

جمال عبد الباسط
منذ 8 سنوات
#2

مشكوووووووور

عايشة محمد
منذ 8 سنوات
#3

راااااااااااااااااااااائع

رشا محمد طحاينة
منذ 8 سنوات
#4

مشكوووووووووووووووووورة

أعراب حياة
منذ 8 سنوات
#5

يتكون المقياس من 30 عبارة تقيس 30 عرضا، هي الأكثر شيوعا في نوبات الصرع النفسي الحركي. ويمكن تصنيف هذه العبارات إلى فئات الأعراض التالية:
1- أعراض اضطراب التركيز والذاكرة: وتشمل عبارات رقم 1، 7، 13 ، 19 ، 25 .
2- الأعراض الوجدانية: وتشمل عبارات رقم 2، 8 ، 14 ، 20 ، 26
3- الأعراض الحسية: وتشمل عبارات رقم 3 ، 9 ، 15 ، 21 ، 27 .
4- أعراض الجهاز العصبي الذاتي: وتشمل عبارات رقم 4 ، 10 ، 16 ، 22 ، 28 .
5- أعراض اضطراب الإدراك: وتشمل عبارات رقم 5 ، 11 ، 17 ، 23 ، 29 .
6- أعراض اضطراب التفكير والوعي : وتشمل عبارات رقم 6 ، 12 ، 18 ، 24 ، 30 .

ويتبين من ذلك أن كل فئة من أعراض الصرع النفسي الحركي شملت 5 عبارات، وتم ترتيبها بطريقة دائرية. ووضع الباحث للإجابة على كل عبارة 4 احتمالات هي (غالبا) ، (أحيانا) ، (نادرا) ، (أبدا) . وعلى المفحوص اختيار إجابة واحدة من هذه البدائل الأربعة. وتعطى كل استجابة درجة واحدة من أربعة درجات هي 3، 2، 1، صفر، وذلك على التوالي. وبذلك تتراوح الدرجة الكلية على المقياس بين صفر – 90 درجة.
سادسا : تصحيح المقياس :
يعطى المفحوص درجة من أربع درجات ( صفر،1،2،3 ) على الاستجابة التي يختارها ( أبدا ، نادرا ، أحيانا ، غالبا ، على الترتيب ) ، وتعبر الدرجة التي يحصل عليها عن شدة العرض ، كما تعبر الدرجة الكلية ( صفر – 90 ) التي يحصل عليها عن قوة احتمالية الإصابة بالمرض . وتعتبر الدرجة 45 فما فوق مؤشرا قويا لذلك.
سابعا : تعليمات المقياس :
ضع الباحث تعليمات تطبيق المقياس على ورقة الإجابة التي يقوم المفحوص بتطبيقها، بحيث تكون لغتها سهلة وتتناسب مع أي مستوى تعليمي. وفي حالة عدم حصول المفحوص على أي قدر من التعليم (أمى) يمكن قراءة التعليمات عليه، وقراءة نص الأسئلة التي يتكون منها المقياس. وتجدر الإشارة إلى أن ورقة الإجابة كتب عليها مقياس الأعراض النفسية والحركية دون ذكر كلمة صرع، حتى لا تسبب الكلمة للمفحوص تكوين أي انطباع يؤدى إلى قلقه، خاصة وأن الكلمة في مدلولها لدى معظم الأفراد تشير عادة إلى نوبات الصرع الكبرى، وقد يؤدى ذلك المدلول إلى رفض المفحوص للإجابة، أو تقديم إجابات غير دقيقة. وأكتفي الباحث بوضع عبارة ( مقياس ص . ن . ح ) إشارة إلى مقياس الصرع النفسي الحركي. وفيما يلي نص تعليمات التطبيق:

“” سنعرض عليك قائمة بمجموعة من الأعراض ، وأمام كل عرض عدة اختيارات (غالبا، أحيانا، نادرا، أبدا) ومطلوب منك اختيار إجابة واحدة فقط ، تعبر عن مدى شدة وجود العرض عندك. إقرأ السؤال جيدا، وأجب عن كل الأسئلة “” .

افرام
منذ 8 سنوات
#6

بارك الله فيك اختي الغالية حياة ، لكن يا ريت تحطي مفتاح التصحيح اذا كان متوفر لديك ، تقبلي تحياتي